ປະຕິບັດທຳວັດປ່າໜອງບົວທອງໃຕ້

ໂຄງການຝຶກອົບຮົມປະຕິບັດທັມກຳມະຖານ ປະຈຳປີ 2026 ຂອງນັກສຶກສາ ວິທະຍາໄລຄູສົງອົງຕື້

ຂ່າວ ແລະ ແຈ້ອງການ

ຂໍເຊີນຮ່ວມງານມະຫາກຸສົນ ໂຄງການຝຶກອົບຮົມປະຕິບັດທັມກຳມະຖານ ປະຈຳປີ 2026 ຂອງນັກສຶກສາ ວິທະຍາໄລຄູສົງອົງຕື້ ຂໍຈະເລີນພອນ ແລະ ຂໍເຊີນຊວນ ພຸດທະສາສະນິກະຊົນ, ອອກຕົນຍາດໂຍມ ແລະ ຜູ້ມີຈິດສັດທາທັງຫຼາຍ ຮ່ວມອະນຸໂມທະນາບຸນ ແລະ ເຂົ້າຮ່ວມກິດຈະກຳ ໃນງານຝຶກອົບຮົມປະຕິບັດທັມກຳມະຖານ ຂອງນັກສຶກສາ ວິທະຍາໄລຄູສົງ ອົງຕື້. ງານຄັ້ງນີ້ຈັດຂຶ້ນເພື່ອສົ່ງເສີມການສຶກສາ ແລະ ປະຕິບັດທັມ ພາກປະຕິບັດ, ຝຶກຝົນຈິດໃຈ ສ້າງສິລິມຸງຄຸນ ໂດຍມີລາຍລະອຽດດັ່ງນີ້: 📍ສະຖານທີ່ຈັດງານ: ວັດປ່າໜອງບົວທອງໃຕ້ (ວັດມະຫາຣຸກຂະວະຣາຣາມ), ບ້ານໜອງບົວທອງໃຕ້, ເມືອງສີໂຄດຕະບອງ, ນະຄອນຫຼວງວຽງຈັນ. 📅ກຳນົດການ: ວັນທີ 13 – 23 ມັງກອນ 2026: ໄລຍະເວລາການຝຶກອົບຮົມປະຕິບັດທັມກຳມະຖານ. ວັນເສົາ ທີ 24 ມັງກອນ 2026 (ເວລາ 08:00 ໂມງ): ຂໍເຊີນຮ່ວມໃສ່ບາດ ແລະ ຖວາຍສັງຄະທານ ແດ່ພະສົງສາມະເນນຈຳນວນ 100 ອົງ.…

Details

#ແຈ້ງການມື້ສອບເສງ ແລະ ຕາຕະລາງສອບເສງຕາມເອກະສານລຸ່ມນີ້ ນິມົນພຣະສົງທີ່ລົງທະບຽນແລ້ວເຂົ້າສອບຕາມເວລາກຳນົດທີ່ວິທະຍາໄລຄູສົງອົງຕື້

ຂ່າວ ແລະ ແຈ້ອງການ, ເຄື່ອໄຫວວຽກວິຊາການ

#ແຈ້ງການມື້ສອບເສງ ແລະ ຕາຕະລາງສອບເສງຕາມເອກະສານລຸ່ມນີ້ ນິມົນພຣະສົງທີ່ລົງທະບຽນແລ້ວເຂົ້າສອບຕາມເວລາກຳນົດທີ່ວິທະຍາໄລຄູສົງອົງຕື້

Details

ຂໍເຊີນຍາດໂຍມ ຮ່ວມເປັນເຈົ້າພາບຖວາຍອາຫານ ນ້ຳປານະແດ່ພຣະສົງທີ່ເປັນນັກສຶກສາຄູສົງອົງຕື້ ທີ່ວັດປ່າບ້ານອ່າງໃຫຍ່ ປະຕິບັດທັມ ເປັນເວລາ10ມື້ ສາທຸ…14-24 ມັງກອນ 2025.

ຂ່າວ ແລະ ແຈ້ອງການ, ເຄື່ອນໄຫວວຽກກິດຈະການນັກສຶກສາ

ຂໍເຊີນຍາດໂຍມ ຮ່ວມເປັນເຈົ້າພາບຖວາຍອາຫານ ນ້ຳປານະແດ່ພຣະສົງທີ່ເປັນນັກສຶກສາຄູສົງອົງຕື້ ທີ່ວັດປ່າບ້ານອ່າງໃຫຍ່ ປະຕິບັດທັມ ເປັນເວລາ10ມື້ ສາທຸ…14-24 ມັງກອນ 2025.  

Details

ພິທີເປີດງານປະຕິບັດກັມມັດຖານຂອງວິທະຍາໄລສ້າງຄູສົງອົງຕື້ ປະຈໍາສົກ 2022-2023 ສໍາລັບນັກສຶກສາປີ III

ຂ່າວ ແລະ ແຈ້ອງການ

ໃນຕອນແລງຂອງວັນທີ 11/01/2023 ຢູ່ທີ່ວັດປ່າມະຫາໂພທິຣຸກຂາທັມມາຣາມ ເຂດບ້ານນາຊັບ ບ້ານສາມສະອາດ ເມືອງນາຊາຍທອງ ນະຄອນຫລວງວຽງຈັນ ໄດ້ມີພິທີເປີດງານເຝິກອົບຮົມກັມມັດຖານຢ່າງເປັນທາງການໃຫ້ແກ່ນັກສຶກສາປີ 3 ຂອງວິທະຍາໄລສ້າງຄູສົງອົງຕື້ ໂດຍໄດ້ຮັບຄວາມເມດຕາຈາກພຣະອາຈານໃຫຍ່ ມະຫາເວດ ມະເສໄນ ຮອງປະທານ ສູນກາງ ອພສ ໄດ້ເມດຕາເປັນປະທານເປີດງານປະຕິບັດກັມມັດຖານໃນຄັ້ງນີ້. ງານເຝິກກັມມັດຖານດັ່ງກ່າວແມ່ນຈະໄດ້ດໍາເນີນເປັນເວລາ 10 ວັນ  ນັບຕັ້ງແຕ່ວັນທີ 11/01/2023 ມື້ເປີດ ຈົນເຖິງວັນທີ 21/01/2023 ມື້ປິດ. ໃນພິທີເປີດງານດັ່ງກ່າວນອກຈາກໄດ້ຮັບຄວາມເມດຕາໃຫ້ຄໍາໂອລົມຈາກພຣະອາຈານໃຫຍ່ ມະຫາເວດ ມະເສໄນຕໍ່ກັບຂໍ້ວັດປະຕິບັດແລະສິ່ງທີ່ຈະໄດ້ຮັບຈາກການປະບັດກັມມັດຖານໃນພາກສະໜາມໃນຄັ້ງນີ້ແລ້ວ ຍັງໄດ້ຮັບຄວາມເມດຕາໃຫ້ຄໍາໂອລົມປະຖົມນິເທດຈາກພຣະອາຈານໃຫຍ່ ປອ. ພວງປະເສີດ ພູມມະວົງ ຜູ້ອໍານວຍການວິທະຍາໄລສ້າງຄູສົງອົງຕື້ ທີ່ໄດ້ໂອລົມໃຫ້ຄໍາແນະນໍາຄໍາຄິດຄໍາເຫັນຕໍ່ນັກສຶກສາແລະຜູ້ມາຮ່ວມປະຕິບັດທັມໃນຄັ້ງນີ້ ແນ່ໃສ່ໃຫ້ນັກສຶກສາແລະຜູ້ມາຮ່ວມປະຕິບັດມີຄວາມກະຕືລືລົ້ນຢາກຈະປະຕິບັດນໍາເອົາຄວາມຮູ້ທີ່ໄດ້ຮຽນມາ ມາທົດສອບຕົວຈິງໃນສະໜາມພາກປະຕິບັດ ໃຫ້ເປັນເຈົ້າການໃນການຮັບຜິດຊອບຕໍ່ການປະພຶດປະຕິບັດຂອງຕົນເອງໃນໄລຍະເວລາຂອງງານປະຕິບັດດັ່ງກ່າວ. ຜູ້ເຂົ້າຮ່ວມງານປະຕິບັດໃນຄັ້ງນີ້ນອກຈາກຈະມີນັກສຶກສາປີ 3 ຂອງວິທະຍາໄລສ້າງຄູສົງອົງຕື້ ຈໍານວນກວ່າ 33 ອົງ ທີ່ເປັນຫຼັກແລະເປັນໄປຕາມຫຼັກສູດຂອງວິທະຍາໄລສ້າງຄູສົງອົງຕື້ແລ້ວຍັງມີຜູ້ສົນໃຈປະຕິບັດ ພໍ່ຂາວແມ່ຂາວ ພໍ່ອອກແມ່ອອກເຂົ້າຮ່ວມປະຕິບັດນໍາອີກຈໍານວນໜື່ງ. ຜູ້ຮ່ວມປະຕິບັດທຸກອົງ/ທ່ານແມ່ນໄດ້ກະກຽມເຕັ້ນນອນເອງແລະໄດ້ພັກຕາມບ່ອນທີ່ຄະນະກໍາມະການສະຖານທີ່ເພີ່ນໄດ້ກໍານົດໄວ້ໃຫ້ ເຊີ່ງເປັນສະຖານທີເໝາະສົມ ມີຕົ້ນໄມ້ແລະເປັນສະຖານທີ່ລືນລົມຮົ່ມເຢັນບວກກັບສະພາບອາກາດປັດຈຸບັນທີ່ເໝາະສົມກໍ່ໄດ້ອໍານວຍຄວາມພ້ອມຢ່າງດີສໍາລັບການປະພຶດປະຕິບັດ. ໃນງານເຝິກປະຕິບັດກັມມັດຖານໃນຄັ້ງນີ້ກໍ່ຄ້າຍຄືຄັ້ງທີ່ຜ່ານມາ ຈະໄດ້ມີພໍ່ແມ່ຄູບາອາຈານທີ່ມີຄວາມຮູ້ປະສົບການແຕກສານໃນຫຼັກການປະພຶດປະຕິບັດມາຄອຍໃຫ້ທັມມະເທດສະໜາໃນແຕ່ລະວັນ ແລະໄດ້ຮັບການແນະນໍາ ນໍາພາປະຕິບັດຈາກວິປັດສະນາຈານໃນແຕ່ລະວັນ. ນັກສຶກສາແລະຜູ້ຮ່ວມປະຕິບັດຈະໄດ້ຄວາມຮູ້ປະສົບການໃນການຢູ່ປ່າ,ໃນການໃຊ້ຊີວີດແບບນັກປະຕິບັດແລະຍັງຈະໄດ້ຄວາມຮູ້ຫລາຍໆຢ່າງໃນງານປະຕິບັດດັ່ງກ່າວທີ່ຈະເປັນປະໂຫຍດຢ່າງຫຍີ່ງໃຫ້ແກ່ຊີວິດ…

Details

ກອງປະຊຸມປັບປຸງຫຼັກສູດສາຍຄູ: ພຸດທະສາສະໜາ-ພາສາລາວ

ເຄື່ອໄຫວວຽກວິຊາການ

ກອງປະຊຸມປັບປຸງຫຼັກສູດສາຍຄູ: ພຸດທະສາສະໜາ-ພາສາລາວ ໄດ້ຈັດຂື້ນທີ່ສູນ BTC Training Center ບ້ານເກິນ ເມືອງທຸລະຄົມ ແຂວງວຽງຈັນ ໃນວັນທີ່ 03-06 ກຸມພາ 2023. ກອງປະຊຸມໄດ້ຮັບກຽດເຂົ້າຮ່ວມໂດຍ ຄະນະບໍລິຫານ, ວິຊາການ, ຄູອາຈານ, ນັກສໍາມະນາກອນຈາກພາຍໃນວິທະຍາໄລສ້າງຄູສົງອົງຕື້ກວ່າ 20 ອົງ/ທ່ານ. ການປັບປຸງຫຼັກສູດໃໝ່ໃນຄັ້ງນີ້ແມ່ນເພື່ອແນໃສ່ເພື່ອໃຫ້ສອດຄ່ອງກັບສາຍຮຽນ ສອດຄ່ອງກັບຫຼັກສູດສາຍຄູທີ່ໄດ້ຈັດຕັ້ງປະຕິບັດຢູ່ວິທະຍາໄລສ້າງຄູສົງອົງຕື້ ແລະເພື່ອກຽມພ້ອມຄູພຣະສົງເພື່ອລົງສອນຕາມໂຮງຮຽນຕ່າງໆໃນທົ່ວປະເທດ ໂດຍສະເພາະແມ່ນມັດທະຍົມສຶກສາຕອນຕົ້ນ-ຕອນປາຍສົງ. ກອງປະຊຸມໄດ້ປຶກສາຕົກລົງເຫັນດີຖອນບາງລາຍວິຊາທີ່ມີເນື້ອຫາຄືກັນຫຼືໃກ້ຄຽງກັນອອກ, ຮັກສາໝວດວິຊາທີ່ກວມລວມໄວ້ ແລະ ເພີ່ມບາງລາຍວິຊາທີ່ສອດຄ່ອງມີເນື້ອໃນກວມລວມກະທັດຮັດຕົງຕໍ່ສາຍຮຽນ ແລະປັບແກ້ບາງລາຍວິຊາໃຫ້ສອດຄ່ອງກັບຫຼັກສູດສ້າງຄູ. ກອງປະຊຸມຍັງໄດ້ປຶກສາເພີ່ມເນື້ອຫາເຂົ້າບາງລາຍວິຊາເພື່ອໃຫ້ໄດ້ເນື້ອໃນຄົບຖ້ວນສົມບູນ. ໂດຍສະຫຼຸບແລ້ວ, ກອງປະຊຸມປັບປຸງຫຼັກສູດໃນຄັ້ງນີ້ ຈະເພີ່ມປະສິດທິພາບຢ່າງສູງໃຫ້ແກ່ນັກສຶກສາ ໃຫ້ມີຄວາມຮູ້ສອດຄ່ອງເປັນການກຽມພ້ອມນັກສຶກສາເພື່ອຄວາມສໍາເລັດຢ່າງດີ ຫວັງຢ່າງຫຍີ່ງກອງປະຊຸມປັບປຸງຫຼັກສູດໃນຄັ້ງນີ້ຈະມີຜົນໃນດ້ານບວກໃຫ້ແກ່ການສຶກສາຂອງນັກສຶກສາ.

Details